കിളവൻ 'ചത്തിട്ടു' വേണോ നിനക്കൊന്നു കട്ടിലിൽ കയറി കിടക്കാൻ.

മുകളിൽ  കാണുന്നത് ഒരു ഫേസ് ബുക്ക്‌ പോസ്റ്റ്‌. 

പാലം കടക്കുവോളം നാരായണ... നാരായണ ...
പാലം കടന്നാലോ? കൂരായണ... കൂരായണ... 
അല്ലേ!

കിളവൻ 'ചത്തിട്ടു' വേണോ നിനക്കൊന്നു കട്ടിലിൽ കയറി കിടക്കാൻ.
ഒരു പുതിയ 'കട്ടിൽ' വേണമെന്ന് പറയാൻ നിനക്കെന്തേ ധൈര്യമില്ല.
പുതിയ തൊഴിലവസരങ്ങളും തൊഴിൽ മേഖലകളും കണ്ടെത്തുന്ന സർക്കാരിന് എന്റെ വോട്ട് എന്ന് പറയാൻ എന്തേ  നിനക്ക് ധൈര്യമില്ല?
കേരളത്തിൽ തൊഴിലെടുക്കുന്ന അന്യ സംസ്ഥാന തൊഴിലാളികൾ ഇപ്പോൾ  20 ലക്ഷം കവിഞ്ഞില്ലേ?  കേരള സര്‍ക്കാരിന്‍റെ നിര്‍ദേശപ്രകാരം ഗുലാത്തി ഇന്‍സ്റ്റിറ്റ്യൂട്ട് 2013ല്‍ നടത്തിയ പഠനത്തില്‍ കേരളത്തില്‍ ഏകദേശം 25 ലക്ഷം കുടിയേറ്റ തൊഴിലാളികളുണ്ടെന്നാണ് കണക്ക്.
പി ഡബ്ലിയൂ. ഡി. ഉൾപ്പെടെ എല്ലാ സർക്കാർ  നിർമ്മാണ മേഖലകളിലും കരാർ നിർമ്മാണം നിർത്തലാക്കി എഞ്ചിനീയർ മുതൽ താഴോട്ടു മൈക്കാടുവരെ പി എസ് സി. വഴി നിയമനം നടത്തിയാൽ എത്രയോ ലക്ഷം അധിക തൊഴിലവസരങ്ങൾ കണ്ടെത്താം? അതിനു ഒരു ഫാക്ടറി തുടങ്ങേണ്ടാ.... വിദേശ നിക്ഷേപം വേണ്ടാ.. സ്ഥലം കണ്ടെത്തേണ്ട... വേണ്ടത് ഇങ്ങനെ വേണം എന്ന് പറയാനുള്ള  യുവാക്കളുടെ ചങ്കൂറ്റം. പിന്നെ ഇങ്ങനെ തൊഴിൽ അവസരം സൃഷ്ടിക്കാൻ സർക്കാരിനുള്ള  ആർജവം.
ഏവർക്കും ഇതിനുള്ള ദർശനം നല്കണേ മിശിഖായേ എന്ന് പ്രാർഥിക്കുന്നു.

ഇരുകൂട്ടരുടെയും ഉറ്റ സ്നേഹിതൻ